Lærdal kommune kan kvart år dele ut eit kultur- og idrettsstipend for unge talent og
utøvarar mellom 15 og 25 år.
Føremålet med stipendet er å hjelpe unge, aktive kultur- og idrettsutøvarar til å søkje
utvikling og framgang på sitt område. I tillegg vil stipendet stimulere til kunstproduksjonar,
kunstutøving, idrettsprestasjonar eller utdanning innanfor kultur og idrett. Stipendet kan
også tene som ein honnør for særleg innsats og til vidare inspirasjon.
Stipendmottakar står fritt med omsyn til bruken innan området dei meiner kan gje
inspirasjon og framgang.
Ungdom mellom 15 og 25 år kan søke stipendet.
Privatpersonar, lag og organisasjonar har
rett til å kome med framlegg på stipendkandidatar.
Ein kan ikkje få kultur- og idrettsstipend for ungdom meir enn ein gong.
Utval for levekår avgjer om stipendet skal delast ut og kven som skal få det. Storleiken på
samla stipendsum er opp til 10.000 kr kvart år.
Utvalet vil mellom anna leggje vekt på følgjande ved tildeling:
• resultat, røynsle, bakgrunn
• utsikter til vidare framgang
• vidare planar
Stipendkandidaten må vera busett, eller ha sterk tilknyting til Lærdal.
Søknadsfrist: 15. april