Lag og organisasjonar som har aktivitetstilbod kan søkje kommunen om kulturmidlar. Det
vert tildelt midlar til drift, arrangement, aktivitetar og prosjekt.
1. GENERELLE REGLAR
1.1. Kulturmidlane kan tildelast alle frivillige lag og organisasjonar som driv kulturarbeid i
Lærdal kommune.
1.2. Kulturarbeid som vert drive regionalt kan få stønad dersom det har positiv verknad for
innbyggjarane i Lærdal, og ikkje kjem inn under andre støtteordningar.
1.3. Organisasjonar som arbeider for medlemane sine yrkesinteresser eller økonomiske
interesser, samt partipolitiske organisasjonar, har ikkje rett til stønad.
1.4. Enkelttiltak som konsertar, utstillingar, kulturkveldar eller andre kulturaktivitetar i
kommunen, kan få tildelt midlar.
1.5. Alle lag og organisasjonar som søkjer stønad pliktar å legge fram vedtekter, budsjett og
rekneskap på førespurnad. Leiar må underteikne søknaden. Ufullstendige søknader vert
avslegne.
1.6 Einskildpersonar som driv ein kulturaktivitet som kjem innbyggjarane i kommunen til gode, kan
også motta stønad.
1.7 Aktivitetar for barn og unge vert prioriterte.
1.8 Fylgjande lag har ein fast del av ramma: Lærdal idrettslag, Lærdal musikklag og Lærdal songkor.
Summen vert innvilga etter søknad.
Det vil bli stilt strengare krav for tildeling til einskildpersonar og/eller der føremålet
å karakteriserast som næring og/eller har eit kommersielt siktemål.